Meer oor ons

ICSC is in 2000 deur die HUB en strategiese kommunikasiespesialis, Ilse Cilliers, gestig. Ilse het haar meestersgraad in joernalistiek aan die Universiteit Stellenbosch behaal. Haar tesis het oor die rol van lynbestuur in doeltreffende kommunikasie gehandel. Voor, gedurende en na haar studiejare het sy waardevolle ondervinding opgedoen oor wat organisasies suksesvol maak en die kritieke rol wat kommunikasie in hierdie proses speel. Met die voltooiing van verskeie suksesvolle kommunikasieprojekte vir 'n paar van die grootste organisasies in Suid-Afrika het Ilse 'n gaping in die mark raakgesien en die kans aangegryp om daardie gaping met haar kennis, geesdrif en harde werk te vul.

ICSC bestaan vandag uit 'n toegewyde span permanente en kontrakpersoneel wat sal verseker dat jou projek van die begin tot einde glad verloop.

Gegrond op haar maatskappy se kreatiwiteit, gesonde finansiële status, werkskepping, aansien in die mark en unieke eenstopdiens het Ilse in 2006 met die louere weggestap in SakeBurger en Ou Mutual se kompetisie vir die Entrepreneur van die Jaar. ICSC het ook lof ontvang vir die verskaffing van uitstekende kommunikasiehulpbronne aan korporatiewe en klein tot medium ondernemings, asook 'n volledige eenstopdiens vir klein ondernemings.